आँखा हाम्रो संवेदनशील अंगमध्ये पर्छ । त्यसैले यसको देखभालका क्रममा निकै होसियारी अपनाउनुपर्छ । साना गल्तीले पनि दृष्टि गुमाउनुपर्ने जोखिम हुन्छ । आँखाको उपचार वा सुरक्षाका क्रममा विभिन्न औषधि वा ड्रप प्रयोग गरिन्छ । ती प्रयोग गर्दा निम्न कुरामा सचेत रहनुपर्छ ।
फिंज नआउने गरी हल्कासँग हल्लाउने ।
औषधीको बिर्को खोल्दा भित्रको टुप्पोलाई नछुने ।
बिरामीलाई आरामसँग बसाउने वा सुताउने ।
औषधि हाल्दा औषधिका टुप्पोले आँखाको वरीपरी वा अन्य ठाउँमा नछुने ।
औषधि हाल्नु पर्ने आँखाको तल्लो भाग हल्का तान्ने ।
औषधि प्रयोग गरिसकेपछि बिर्को राम्रोसँग बन्द गर्ने साथै बालबच्चहरुले भेट्न नसक्ने तथा घाम नलाग्ने ठाउँमा सुरक्षित राख्ने ।
आफ्नो औषधि अरुलाई प्रयोग गर्न नदिने ।
औषधि सधैँ जान्ने मान्छेलाई राख्न लगाउने ।
औषधि खोलेको तीस दिनसम्म प्रयोग गर्न सकिन्छ त्यसपछि बाँकी रहेमा प्रयोग नगर्ने ।
औषधि सधैँ चिनेर मात्र प्रयोग गरौँ र गर्न लगाऔँ ।
सतिश श्रेष्ठ, अप्थाल्मिक असिस्टेन्ट
तिलगंगा आँखा केन्द्र
तिलगंगा आँखा केन्द्र
साभार: स्वास्थ्यखबर
No comments:
Write टिप्पणियाँ